ኢትዮጵያ የተባበሩት መንግሥታት 80ኛ ዓመት የምሥረታ በዓል ምክንያት በማድረግ ልዩ የመታሰቢያ ቴምብሮች በይፉ አስመረቀች።

የኢትዮጵያ ፖስታ የተባበሩት መንግሥታት 80ኛ ዓመት የምሥረታ በዓል ምክንያት በማድረግ ልዩ የመታሰቢያ ቴምብሮች በኢ.ፌ.ዲ.ሪ ክቡር ጠቅላይ ሚኒስትር ዐቢይ አሕመድ (ዶ/ር) እና በተባበሩት መንግሥታት ድርጅት ክቡር ዋና ጸሐፊ አንቶኒዮ ጉቴሬዝ አማካኝነት አስመርቋል።

ኢትዮጵያ ከተባበሩት መንግሥታት ድርጅት ጋር ያላትን የስምንት አስርት ዓመታት የጠበቀ የታሪክ ትስስር፣ የአሁኑን ተሻጋሪ ትብብር እና “በሰላም አብሮ ለመኖር” የተሰነቀውን ዓለም አቀፋዊ እሴት የሚዘክር ልዩ የመታሰቢያ ቴምብር ስብስብ በታላቅ ኩራት አውጥቷል። እነዚህ አራት ቴምብሮች እ.ኤ.አ. በ1945 በሳን ፍራንሲስኮ የተባበሩት መንግሥታት ቻርተርን ከመፈረም ጀምሮ፣ በኮንጎ የሰላም አስከባሪ ኃይሎችን እስከማሰማራት እና በአፍሪካ ምድር ለመጀመሪያ ጊዜ የተካሄደውን የተባበሩት መንግሥታት የጸጥታው ምክር ቤት ስብሰባ እስከ ማስተናገድ ያለውን የጋራ ታሪካችንን በሥነ-ጥበብ የሚተርኩ ናቸው። በዓለም የፖስታ ህብረት በኩል ለ192 ሀገራት የተሰራጩት እነዚህ ቴምብሮች፣ ለኢትዮጵያ ፖስታ ለአንድ ወቅት ብቻ የሚታተሙ ሳይሆኑ ለትውልድ ሁሉ የሚተርፍ የታሪክ ዐሻራ እና የኢትዮጵያ የዲፕሎማሲ ልዕልና ማሳያ ሆነው ይቆያሉ።

የኢትዮጵያ ፖስታ የሀገራችንን ብሔራዊ ጥቅም ለማስጠበቅና ታሪካዊ እሴቶቻችንን በዓለም አቀፍ መድረክ ለማስተዋወቅ በቁርጠኝነት እየሰራ ይገኛል። ይህንን ታላቅ ኩነት አስመልክቶ የወጣው ልዩ የመታሰቢያ ቴምብርም ተቋማችን የኢትዮጵያን የዲፕሎማሲ ስኬት ለዓለም በማብሰር ረገድ ያለውን ሚና የሚያጎላ ነው። በዚህ ታሪካዊና ኩራት በተሞላበት አጋጣሚ ውስጥ ተሳታፊ በመሆናችን ታላቅ ክብር ይሰማናል።

More updates Ethiopost

News

በቻይና ፖስታ ቢሮ ምክትል ዋና ዳይሬክተር ሊዮ ጂንሮንግ የተመራ የልዑካን ቡድን በኢትዮጵያ ፖስታ የሥራ ውይይት እና ጉብኝት አደረገ፡፡

በውይይቱ የኢትዮጵያ ፖስታ ያለውን ሰፊ መሠረተ ልማትና ከኢትዮጵያ አየር መንገድ ጋር ያለውን አጋርነት በመጠቀም አዲስ አበባን የምሥራቅ አፍሪካ የኢ-ኮሜርስ ማዕከል ለማድረግና በዲጂታል አሠራርና በአቅም ግንባታ በጋራ ለመሥራት በሚቻልባቸው ጉዳዮች ላይ መግባባት ላይ ተደርሷል።

Read More »
News

የኢትዮጵያ ፖስታ ለተከታታይ ቀናት ሲሰጥ የነበረው በ”PROPEL” ስትራቴጂ እና በአሠራር ሂደት መግለጫዎች (SOPs) ላይ ያተኮረው የአቅም ግንባታ ስልጠና ተጠናቀቀ፡፡

መድረኩ ስትራቴጂውንና ወጥ የአሠራር ሂደቶችን ወደ ተጨባጭ ተግባር በማሸጋገር ተቋማዊ አፈጻጸምንና ሀገራዊ ፋይዳን ለማሳደግ የጋራ መግባባት የተፈጠረበት ነው።

Read More »
News

የኢትዮጵያ ፖስታ ለተከታታይ አምስት ቀናት ሲሰጥ የቆየው ስልጠና ተጠናቀቀ፡፡

ስልጠናው ለዲስትሪክት አመራሮችና ባለሙያዎች የተሰጠ ሲሆን፣ የስልጠና ምስክር ወረቀትም ተበርክቷል። ተሳታፊዎች ያገኙትን እውቀት በየዲስትሪክታቸው በመተግበር አገልግሎቱን ለህብረተሰቡ በብቃት ለማድረስ ተስማምተዋል።

Read More »
News

የኢትዮጵያ ፖስታ የዲጂታል ፋይናንስ አገልግሎትን በሀገረ አቀፍ ደረጃ ለማስፋፋት የሚያስችለውን የአቅም ግንባታ ስልጠና መስጠት ጀመረ። 

የስልጠናው ዓላማ የአገልግሎቱን አሰራር፣ የቴክኖሎጂ አጠቃቀምና የደንበኛ አገልግሎት አቅም ማሻሻል ነው። ይህም አገልግሎቱን በሁሉም የፖስታ ቅርንጫፎች በብቃት ለማስፋፋት ይረዳል።

Read More »
News

የኢትዮጵያ ፖስታ ለአገልግሎት ማሻሻያ የሚሆኑ ዘመናዊ ላፕቶፖችን ከIOM ተረከበ፡፡

የኢትዮጵያ ፖስታ ከIOM ጋር ባደረገው ስምምነት መሠረት ለብሔራዊ ዲጂታል መታወቂያ (ፋይዳ) ምዝገባ እና ለቴክኖሎጂ መሠረተ ልማት ማጠናከሪያ የሚውሉ ዘመናዊ ላፕቶፕ ኮምፒውተሮችን ተረክቧል። የኢትዮጵያ ፖስታን በመወከል

Read More »